LISANGA YA BOLINGO

BOYEYI MALAMU NA BANA YA KONGO PE KATIOPA. ESIKA OYO EZALI PONA KOZUA BOYEBI , BUANIA LIBOSO YA KOZUA LIPANDA YA MIBALE OYO TOBENGI LIPANDA YA MOLIMO ; ELAKISI KOSAMBELA NZAMBE YA BA PAYA LISUSU TE

 

 Na ebandeli ya mokili, NZAMBI MPUNGU TULENDO oyo tobengi na minoko misusu ya Kongo : MAWEJA NANGILA, MUNGU WA MAPENDO, NZAPA, NZAKOMBA, AKONGO MONGALI, ONIA SHONGO ...akitisaki ba koko na biso mibale ya yambo na kombo ya tata NZALAPANDA na mama KITELEKINAMBU na mabele ya Kongo oyo ebengamaka KATIOPA; Na sima baye kobota 
bana zomi na mibale to 12 ;

ya liboso tata NA LUKENGO oyo mbasi ya nzambi MPUNGU TULENDO abandaki koya kotalisa ye lolenge ya kofanda malamu na mokili, na bo nzambe.Na sima ayaki kobota ZULU MAKEBA, oyo ayambaka pe mbasi ya nzambi Mpungu. 
Abotaka koko oyo tobengi na kombo ya NIMI KONGO. Na l'an 698 avant J.C., na nzela ya mbasi ya nzambi MPUNGU TULENDO, oyo 
ayebisaki ye que Kongo ekobeba, ba ngulu na ba mbua, bakokota na Kongo ... kasi tango bana ya Kongo ba ko comprendre pe bakopesa misala na bango ya mabe mokongo, ngai nzambi MPUNGU TULENDO, nakoka na nionso pe na manso, 
nakosembola loboko na ngai pona kolongola bango na bowumbu pe nakosimba mitu ya bana na bango pe bakosala makambo 
ekokamuisa mokili mobimba.Mbasi ya nzambi MPUNGU TULENDO alobaki lisusu muana na yo oyo opesi ye kombo ya NIMI, ngai 
nabakiseli ye kombo ya mibale Kongo, ezali kombo na ngai oyo elakisi nzambe na bolingo.

Tata NIMI KONGO ayaki kobota bana misato, kombo na bango :

1) koko NSAKU oyo ayambi elembo ya bolingo na couleur ya bleu, yango ebandeli ya bo nzambe na bolingo.
2) koko PANZU, ye ayambaki elembo ya création to misala na couleur ya jaune.
3) Pe mama NZINGA, ye ayambaka elembo ya pouvoir to nguya na couleur ya rouge.Ye nde Reine to Mani Kongo ya liboso ya 
Royaume KONGO.

Tozali bongo na 5é génération, ebandeli ya mokili ; ngambo mosusu ba mindele babengi yango Préhistoire, eleko ya Pierre taillée pe 
bongo na bango.

Na mokuse, lisusu vers l'an 840, koko NIMI A LUKENI WENE ayaki kosala KONGO DIA NTOTILA.

Na lobango, na 1457, koko BUELA MUANDA abandaki kosakola bokeba mindele ba koya, boyamba bango kasi bokuesama té, bosunga bango na oyo bakoya koluka kasi bosimba bikeko mibale té oyo bakoya na yango ! (ya yezu na maria) ... asakoli kino 1463.Na sima koko NZINGA NKU akosamaka na koboya koyoka masakoli ya nzambi MPUNGU TULENDO oyo eyaki na nzela ya ba mama oyo bazalaki kosambela na Palais royal na eleko wana.Ye azuaki bokonzi na 1481, sima ya liwa ya 
tata na ye NKU NTINU.

Na date ya le 03 mai 1491, NZINGA NKU azuaki baptême pe kombo na ye ya sika ekomaki Joao 1er, elongo na muana na ye VEMBA NZINGA oyo abengamaka ALPHONSO 1er ; na ebele ya bato na cour royale, environ 1500 personnes bazuaki baptême. Na yango 
tomoni lelo ba kombo lokola ba Pierre, Matthieu, Jean, Jacques ... ezali kati na biso.  Na 1506, tango amoni pasi ekoti na mboka, azalaki lisusu komona bilembo ya nzambi MPUNGU TULENDO té, ayaki kozua mokano ya kobengana mindele, nde bayaki koboma ye na nzela ya muana na ye Alphonso 1er.

Ba Mbuta balobi lokola tata na bino akufi pona makambo oyo, muana oyo akoki kozua ebonga ya bokonzi ezali oyo ya mibale na kombo ya PANZU NZINGA ; po ye azuaka baptême té pe akuesamaka té na lokuta monene ya mindele ... Tango ndeko na ye ayoki 
boye, aye koboma ye.  Makambo ebandi, misala ebandi, Alphonso aye kotonga ba écoles na ba églises ya minene ndenge bayokanaki 
na mindele kino ; ezalaki pona kolongola biso na bo nzambe pe pona koyekolisa biso langue !!!

Baye koboma VITA KANGA oyo azalaki moko amitikaki té kokosama.

Toye kokoma na eleko ya mama Mafuta, atelemaki pona kosakola maye ya nzambi MPUNGU TULENDO na 1702.

Tango tokomi na 1704, mama KIMPA VITA pe atelemi pona koloba pole yezu akufela mibeko té, tozongela mibeko pe mitindo ya nzambi MPUNGU TULENDO. Tango moke, tokomaki na mawa, bayaki kotumba mama KIMPA VITA mokolo ya dimanche, le 02 juillet 1706 na muana na mokongo, na mama mosusu. Kongo ezongaki na bowumbu.

Na 1886, tata Kimbangu aye kobotama. Aye koyamba mpeve ya ba tata MPUNGU TULENDO le 18 mars 1921. Na le 06 avril 
1921, misala ebimaki libanda.  Plus ou moins 18 000 maladies ebikaki, pe asekuisaki 147 ou 148 morts. Amonaka pasi mingi, akotaka ba boloko ebele. Bakangaki ye na mois ya septembre 1921 na Nkamba, tango bakomi na kinshasa, na Kinsuka, babomaki ye. Kasi nzambi MPUNGU TULENDO oyo akoka na nionso pe na manso asekuisaki ye, amonaka pasi mingi, babandi kobeta ye 120 fouets matin et soir, kokotisaka na tonneau batia mayi na mungua pe asalaki 30 ans de prison na Katanga. Mokili ebomba , kasi tata Kimbangu alobaki "moto okoki kokanga ye kasi molimo bakanga yango té".  Maloba to masakoli na ye ezalaki :"yezu azali mokonzi ya molili, azali nzambe to muana ya nzambe té na pe maria, azali mama ya nzambe té ..."
« … mondele akokoma moyindo, moyindo akokoma mondele »« Kongo ekozua lipanda, ya liboso ya mosuni, ya mibale ya molimo to 
indépendance spirituelle … kasi ekozala pasi mingi pona kozua conscience to savoir, oyo tata Wasambulua alobi – état de l’esprit qui sait … – «

Tata KIMBANGU, sauveur des noirs, tokomona awa, ye nde ayaki kotelemisa tata WASAMBULUA, pona koloba boye "Telema osala mosala ya nzambi MPUNGU TULENDO ndenge ngai nasalelaki ye".  Ndeko soki oyoki likambo ya monene boye, yo pusana, tia 
maboko na mosala, po Kongo ekende liboso, po Kongo ekangolama. Masakoli ya tata Wasambulua, lokola ya nvuluzi KIMPA VITA, lokola ya nvuluzi KIMBANGU … KONGO ekokangolama na nzela ya politique té kakana nzela ya bo nzambe to spiritualité ya KONGO.

MATONDO : www.lisangayabolingo.org
[http://www.lisangayabolingo.fr/&h=aaqerpx7uaqg1p0zv3mmuoykyx2xgxl66bibw775-gfg2sg&enc=azocy4f3sypk42ohhu_8thxbtmxvhqmg1pqx8sdct5jmhb7q-rthqoxqedyjfxl0gq3t8gcc9wnfdja75phksbbtce4co6a_udtbk9ptg9vs9obirloenuhmx7_gbnfpyfzrjhfj9bdt5bfjmq7ymiqbnwcclvwmvrjdpb0ftfnbcd_l4zthlmdiojf6v-4suxfne7dynkv7l4misv-282sy&s=1_green]

YouTube : TATA WASAMBULUA 2

KINTUADI KIA BASOLUA KUA NZAMBI MPUNGU TULENDO MU NVULUZI ETO KIMBANGU
facebook : lisangayabolingo

 

C'est nouveau, c'est bientôt !

Aucun élément à afficher